Селскиот црковен одбор на црквата Св. Ѓорѓија во Лазарополе, по повод селскиот и националниот празник Илинден им додели Благодарница на своите постари членови Душан Пашоски и Сотир Шошкоски заради нивната долгогодишна активност во работата на црковниот одбор.
Месната Заедница на Лазарополе, на својот соселанец Мирко Илиевски, му одадде почест заради неговата богата спортска и фудбалска кариера и затоа што направи сите да се гордееме со него. За Ф.К. ВАРДАР има одиграно вкупно 325 натпревари (191 првенствен натпревар во тогашната југословенска фудбалска лига - со сите куп натпревари). Противничката мрежата ја тресел вкупно 89 пати носејќи го вардаровиот дрес. Фудбалската сезона 1960/61 година, со Ф.К. ВАРДАР го освојува ЈУГОСЛОВЕНСКИОТ КУП (познат и како Купот на Маршал Тито). На финалниот натпревар во Белград против ВАРТЕКС (полувреме 0:0) Илиевски го постигнува првиот гол на натпреварот (второ полувреме-краен резултат 2:1);(литература: Четири децении ФК Вардар, Ск.1988г.).
На сите нив им посакуваме долг живот и мирен и долг пензионерски престој во Лазарополe
---------------------------------------------------------------------------------
Изложба на фотографии со еколшка содржина на Јана Манева- Чуповска
Јана Манева- Чуповска, познат уметник и моден дизајнep, на 2 август 2009г. ги изложи своите фотографии на интонираната изложба “Добре дојдовте во Лазарополе” во хотелот Калин во Лазарополе. Темата на изложбата беше заштита на природата од загадувањето на човекот - преку 30 фотографии кои ги претстават убавите, но и помалку убавите страни на познатиот преродбенски и туристички центар од Западна Македонија – Лазарополе. Изложбата ја отвори Блаже Смилески. Јана Манева-Чупоска работи како доцент на Факултетот за арт и дизајн при Европскиот Универзитет во Скопје. Досега самостојно изложувала во Скопје, Охрид, Прага, Париз и Њујорк, а ова и е прва изложба во Лазарополе, кое го посетува секогаш кога има слободно време.