30 ЈУЛИ ; - Организаторот: Јапан Карате Шото Македонија- Скопје,
- Покровителот : Месната Заедница на Лазарополе,
- Спонзорот: Хотел “ КАЛИН“ – Лазарополе,
ве покануваат со некој член од вашето семејство Да земете учество на
Прв Карате семинар за почетници “ ИЛИНДЕНСКИ ДЕНОВИ’’- Лазарополе
01 до 05 Август 2018 - Хотел “КАЛИН’’
Семинарот е бесплатен, за популаризација на спортски активности кај сите возрасти и во чест на приемот на карате спортот како олимписки спорт. Со него и спортски се обележуваат Илинденските денови.
Тренинзите ќе се одржуваат два пати дневно во презентациската сала во хотелот Калин со површина над 150 квадрати. Некои од тренинзите ќе се одржат и на отворено.
Учесниците треба да бидат во обична спортска опрема ( на пример долна тренерка и маица)
и чисти патики наменети само за тренингот.
Пријава : На семинарот можат да се пријават деца постари од 6 години, младинци и возрасни. За напомена, во повеќето клубови во Македонија , а посебно во најголемиот Карате Клуб “ЈКС Центар Самурај “- Скопје и родители вежбаат со децата .
Првиот тренинг се предвидува да започне во 10, 30 часот на 1 август . Понатаму:
- претпладневните тренинзи ќе почнуваат од 10,30 ч.,
- попладневните тренинзи ќе почнуваат од 17,30 ч.
Што после семинарот: Децата, младинците па и возрасните кои за време на нивниот летен престој во прекрасната природа на висина од 1350 м. на која се наоѓа Лазарополе , земат учество на тренинзите во почетничката школа на семинарот може и понатаму да продолжат да вежбаат во еден од 22 – та клуба низ Македонија, членки на ЈКС Македонија, а се наоѓаат во близина на нивното место на живеење. ЈКС Македонија го практикува Шото карате стилот како член на Јапан Карате Шото Федерацијата од Токио.
Инструктор на семинарот ќе биде: Дракуловски Живко, 8Дан , ЈКС Македонија Шихан ( главен инструктор).
Диплома: Секој учесник кој ќе ги посети поголемиот број тренинзи ќе добие сертификат, диплома за учество.
Постари појаси: Ако на летовање во Лазарополе има и каратисти кои веќе имаат некој појас, за нив ќе се организира посебна група. Организаторот ќе обезбеди ПРИДРУЖНИ РЕКВИЗИТИ ЗА КАРАТЕ, ФОКУСЕРИ и др.
Ќе биде обезбедена и АУДИО – ВИДЕО ОПРЕМА за забава и за проекција на карате филмови и карате снимки од натпревари во посебен вечерен термин.
ЈКС Македонија има 19 годишна традиција на одржување на летен семинар во Охрид и двогодишна во Аспровалта – Грција, како и петгодишна традиција на зимски семинар во Пониква – Кочани.
Семинарот во Лазарополе за учесниците со појаси и инструкторот е и подготовка за септември кога се одржува : “III Двоен СЕМИНАР на МАСАО КАГАВА“ , 9 Дан , Скопје, Општина Аеродром 12 – 16 09 2018, кој е главен тренер на јапонската национална олимписка репрезентација и Шихан на Јапан Карате Шото Федерација. За повеќе информации за карате вештината во прилог е и флаерот за упис на КК Самурај од Скопје.
За информации: ЈКС МАКЕДОНИЈА, Претседател DRAKULOVSKI ZHIVKO, 8 DAN, 070 268469// Пријава во Лазарополе :Влатко Дракуловски- 071 397966
